Қаржы мониторингі агенттігінің Алматы қаласы бойынша департаменті құрылыс саласындағы мемлекеттік сатып алуларға қатысу кезінде жалған ақпарат пайдаланып, сол арқылы 70 млрд теңге көлемінде заңсыз пайда алған бір топ тұлғаларға қатысты тексеру жүргізіп жатыр.
Бұл туралы 2025 жылғы 6 тамызда Қазақстан Республикасы Қаржы мониторингі агенттігінің баспасөз қызметі хабарлады.
Күдіктілер 2021-2024 жылдар аралығында жасырын компанияларды, жалған құжаттар мен жалған ақпараттарды пайдаланған қылмыстық схема ұйымдастырған. Осындай алаяқтықтың көмегімен құрылыс жұмыстарына тендерге қатысқан компаниялардың рейтингі көтерілді.
Осы «қызметтері» үшін ұйымдастырушылар 500 мыңнан 1,5 миллион теңгеге дейін ақшалай сыйақы алды.
Құқық қорғау органдарының мәліметінше, заңсыз жолмен алынған кірістің жалпы сомасы 664 миллион теңгеден асқан. Қылмыскерлер бұл ақшаға 11 автокөлік пен 12 жылжымайтын мүлікті (5 тұрғын үй және 7 жер учаскесі) сатып алған.
Тергеушілердің мәліметінше, заңсыз әрекеттердің нәтижесінде бірқатар ұйымдармен шамамен 70 миллиард теңгеге келісімшарт жасалған.
Төрт күдікті ұсталып, уақытша ұстау изоляторына қамалды.
Тергеу жалғасуда.
Фото vek.kz сайтынан
