Қазақстан Республикасы Қаржы мониторингі агенттігінің Астана қаласы бойынша департаменті әкімдіктің коммуналдық мемлекеттік мекемесі болып табылатын «International School 81 Astana English School» мекемесінде ұрлық жасау схемасын ашты. Бұрынғы мектеп директоры мен бас есепші ата-аналардың 900 миллион теңгеден астам ақшасын жымқырған болып шықты.
АФМ баспасөз қызметінің хабарлауынша, аталған қаражаттың бір бөлігі ата-аналардан бастауыш сыныптарда оқу ақысы және балалардың балалар лагерінде болғаны үшін қолма-қол алынған. Бірақ, бұл қаржы мектептің есепшотына түспей, оқу орнының басшылығымен игерілген. Сондай-ақ тергеу барысында күдіктілердің туыстары болып табылатын, шын мәнінде мектепте жұмыс істемейтін «өлі жандар» қызметкерлеріне шамамен 16 миллион теңге аударылғаны анықталды.
Ұрланған ақшаға мемлекеттік мектептің директоры мен есепшісі әртүрлі жылжымалы және жылжымайтын мүліктерді: коттедж, Астанадан 2 пәтер, автокөлік сатып алған. Жалпы алғанда, тәртіп сақшылары күдіктілердің 382 миллион теңгенің мүлкін тапты — ол сот шешімімен тәркіленді.
Бұл іске қатысты күдіктілер қамауда отыр. Алайда АФМ баспасөз қызметі 500 миллион теңгеден астам ұрланған басқа бөлігі ақшаның қайда кеткенін хабарлаған жоқ.
Сондай-ақ мектеп директорларының Астана қаласы әкімдігінің Білім басқармасында «меценаттарының» бар-жоғы да хабарланған жоқ. Өйткені, олар жалған туыстар-қызметкерлер туралы, мектептегі бала санының ата-аналардың төленген жарналарына нақты қатынасын білуге болатын еді.
Фото: Қазақстан Республикасы Қаржы мониторингі агенттігінің сайтынан.
